Pisariaqartitat

Greenland Venture suleqataatinneqassappat piumasarisakkavut pingaarnerit. 

Suliffeqarfinniit allanilluunniit attaveqarfigineqarnerput soorngunami isertuulluinnartarparput, tamannalu atuuttarpoq suleqatigiilissagaluarutta, tamatumap tamanut saqqummiunneqarnissaata tungaanut.

Suleqatigiilernissaq nalilersuiffiginiarlugu makku naammassineqarsimanissaat pisariaqartuuvoq.

Siunertamik allaaserinninneq aningaasalersuinerlu aammalu anguniakkap allaaserinera makkuninnga imaqartoq.

  • Aallartinniakkap suna tunulequtaraa
  • Piginnittut siulersorneqarneranullu tunngasut, inuttaasa allaaserinerat ilanngullugu. 
  • Uppernarsaatissat teknikkimut tunngassuteqartut
  • Kisitsisitigut pilersaarutit /budget ukiunut pingasuniit tallimanut
  • Ukiuni kingullerni marlunni/pingasuni naatsorsuutit, suliffeqarfinnut pioreersunut
  • Tunisassiatigut tunitsivissatigullu pissutsit.
  • Ineriartornissamut periarfissat 
  • Aningaasanik nalilinnik pisiassanut pilersaarut

 Nalilersorneqaqqissaassaaq suliffeqarfimmut /suliffeqarfissamulluunniit aningaasaliinnissamut tunuliaqutissaqarnersoq, ilaatigut makku nalilersoqqissaarneqassallutik.

  • Imminut napatissinnaanersoq niuernerpalaartumik ingerlanikkut, inooqataasut avatangiisillu akornanni.
  • Toqqaannartumik toqqaannanngitsumilluunniit inuiaqatigiinnut attuumassuteqarneq
  • Suliffeqarfiup ilumini pisuussutai 
  • Tunisisarfiup/pisisartut annertusarnissaannut periarfissat. 

Nalilersuinerup ingerlanissaq ajunngitsuusoq nalilerpagu, isumaqatigiinniartoqalertarpoq. Ilaatigut suliffeqarfik  orninneqarsinnavoq aqutsisui piginnittui siunnersortaalu oqaloqatigineqarsinnaallutik. Isumaqatigiittoqarpat  aningaasalersuinissamut tunngasut isumagineqalissapput. Sulinerup sivisussusia aallaqqaataaniit assigiinneq ajorpoq, suliap qanoq ittuunera apeqqutaasarluni. 

Greenland Venture niuernerpalaartumik aningaasaliisarpoq, pilersaarutit imminut aningaasatigut nammassinnaasariaqarlutik.

Tunngaviusumik killeqartitsisoqanngilaq suliffeqarfiit sorliit aningaasaliiffigineqarnissaannut.  

Isigineqarnerugajuttarlutik pilersaarutit Nunatta naleqarnerulersitsineranik pilersitsisut, eqqussuinermik millisitsineq nunanulluunniit allanut niueqateqarnermik allisaaneq.

Greenland Venture aningaasaliisarpoq piginneqataasutut minnertut inissilluni qaqutigullu pisariaqavitsillugu piginneqataasutut annertut inississinnaalluni, piginnittutulli kisimiilluni inissinngisaannarluni.

Taamaallaat suliffeqarfiit A/S-sit imaluunniit ApS-sit aningaasaliiffigineqarsinnaapput. 

PROJEKTER
Atuaruk
VENTURE
Atuaruk
INNOVATION
Atuaruk
HOLDING
Atuaruk
GREENLAND VENTURE · A/S Boks 1068 · 3900 Nuuk · Grønland · Tlf: +299 342880 · Email: Info@venture.gl · GER: 17 54 83 87
;