Ineriartortitsinermut atugassanik taarsigassarsineq

Ineriartortitsinermut atugassanik taarsigassarsineq

Ineriartortitsinermut atugassanik taarsigassarsineq – Greenland Venture A/S-mit atukkeeriaaseq nutaaq

                   

Kikkut taarsigassarsitinneqarsinissamut qinnuteqarsinnaappat?

Greenland Venture A/S-ip atukkeeriaaseq nutaaq suliffeqarfinnut mikisunut akunnattu,  ingerlallualereernikunut, annertuunillu aningaasaliisussanut, suliffeqarfimminnik annertusaarusuttunut imaluunniit nutaamik piginnittortaarniartunut neqeroorutigaa.

Ineriasaanermut taarsigassarsissagaanni suliffeqarfik aningaasatigut siulersoneqarnermigullu patajaatsuussaaq, taamaattumik pingaartinneqarpoq piumasaqaatit makku naammassisimanissaat:

  • Ukiuni kingullerni pingasuni naatsorsuutit siuariartortumik      ingerlasimassapput.
  • Suliffeqarfimmi piginnaasat suliffeqarfimmut naapertuutttut      pigineqassapput – siulersuisuni aamma.
  • Suliffeqarfik patajaatsuussaaq.
  • Taarsigassarsiat aningaasaligassanut tamakkiisunut ilaassapput,      tassani aningaaserivimmiit imaluunniit taarsigassarsivinnit allanit      atukkanut ilaassapput
  • Taarsigassarsiat annertunerpaamik 2 mio. kr.-iussapput.

Ineriartortitsinermu taarigassarsineq imatut ingerlasarpoq

Greenland Venture A/S ineriartortitsinermut atugassanik toqqaannartumik taarsigassarsisitsissaaq. Taarsigassarsiat tunngaviatigut aningaasaliinermut tamakkiisumut ilaassaaq, aningaaserivimmit imaluunniit taarsigassarsisarfinnit allamit atukkanut ilaassallutik. Annaaratarneqarsinnaaneri erniallu qaffasinnerit Ineriartortitsinermut atugassanik taargissassarsiat aningaaserivimmit allanillu qularnaveeqquserneqarsimasunit atukkanit tunulliunneqartarput, imatut paasillugu ineriartortitsinissamut atugassanik taarsigassarsiat suliffeqarfiup taarsigassarsiaanit allanit annaaneqarsinnaanerat annertuneruvoq taamaattumillu erniat aamma qaffasinnerupput. Ineriartortitsinissamut atugassanik taarsigassarsinermi suliffeqarfik aningaasaliinissaminut pissarsisinnaanerminut periarfissaqalissaaq. Tamanna anguneqarsinnaavoq ineriartortitsinermut atugassanik taarsigassarsiat taarsigassarsiat allat qaavatigut pineqarsinnaammat taamaalilluni aningaasat pisariaqartitat tamakkiisut pissarsiarineqarsinnaallutik. Qularnaveeqqutit inuttullu qularnqveeqqut Suliffeqarfik ineriartortitsinermut atugassanik taarsigassarsiguni taarsigassarsiarisimasat allat assigalugit  qularnaveeqqusiissaaq. Suliffeqarfilli akiliisinnaajunnaassagaluarpat Greenland Venture qularnaveeqqusiisimasut allat tamarmik annaasaminnik matussuserneqareerpata aatsaat matussuserneqarsinnaavoq. Taamaattumik tunngaviatigut piumasaqaataavoq suliffeqarfiup pigisani nalillit aningaaseriviit tulleralugit qularnaveeqqutigissavai naliginnaasumillu piginnittut inuttut aamma qularnaveeqqusiissallutik, soorlu aningaaserivinni aamma taamaattartut. Pilersaarutit pissusissamisut ingerlanngippata suliffeqarfiullu taarsigassarsiani taarsersinnaagunnaarpagit suliffeqarfimmik piginnittoq suliffeqarfiup pigisaasa nalillit aki pitsaanerpaaq atorlugu tuniniarneqarnissaat qulakkeerneqassaaq.  Ajutoortoqassagaluarpat Suliffeqarfiup taarsigassarsiani taarsersinnaajunnaarpagit imaluunniit akiliisinnaajunnaarpat Greenland Venture A/S-ip suliffeqarfimmik piginnittoq, aningaaserivik akiitsoqarfiillu allat  peqatigilluinnarlugit pigisat nalillit annertunerpaamik pissarsissutiginissaat qulakkeerniassavaat. Anguniagaavoq tamanut annaasat minnerpaaffimminiitinneqarnissaat.

Qanoq akeqarpa?

Ineriartortitsinissamut atugassanik taarsigassarsinermi akit makkuupput:

  • Taarsigassarsinermi aallaqqaasiummik aki
  • Erniat taarsigassarsinermiit taarsigassarsinermut annertussusilerneqartoq   

Aallaqqaasiummik aki Taarsigassarsinermi aallaqqaasiummut aningaasartuutit 10.000 kr.-ipput taassuma saniatigut atukkat 1,0 pct-ia. Assersuut: taarsigassarsiat 1 mio. kr.-iusut 20.000 kr.-nik akeqassaaq,taarsigassarsiallu 2 mio. kr. suliffeqarfimmut 30.000 kr.-nik aallaqqaasiummut akeqassaaq. Aallaqqaasiummut akiliutissaq taarsigassarsiat tunniunnerini ilanngaatigineqassaaq. Taarsigassarsiat 1 mio. kr. taamaalillutik suliffeqarfimmut aningaasanik tigoriaannarnik 980.000 kr.-nik naleqassaaq, taarsigassarsianit 2 mio. kr.-nit  1.970.000 kr. tunniunneqassallutik.

Ukiumut erniat Suliffeqarfik ukiumut aalajangersimasumik ernianut akiliisassaaq. Erniat annertussusilerneqarnertassaaq suliffeqarfimmik annaasaqaratarsinnaanerup akiliisinnaanerullu nalileeqqissaarneratigut tassunga ilanngullu aningaasalerniakkap nalilerneqqissaarneratigut. Erniaq ineriartortitsinermut atugassanik taarsigassarsianut akilerneqartartussaq aningaaseriviit, taarsigassarsisarfiillu allat erniarititaaniit 2%-nik qaffasinnerusassaaq.

Atugassarititaasut Periarfissaavoq qaammatini 24-ni siullerni akiliinngikkallarsinnaaneq. Suliffeqarfiup taarsigassarsiani piffissap taassuma iluani taarserniarlugit aalajangeruni erniat piffissamut tassunga tunngasut – akiligassanngortereerneqarsimasut akiligassanngortinneqarsimanngitsullu - tamaasa akilissavai. Taarsigassarsiat qaammatit 24-it kingorna taarserniaraanni erniat akiligassanngortinneqarsimasut kisiisa akilissavai.

Akilerneqarfissaasa sivisussiata pigisat nalillit naligat malittarpaat, imatut paasillugu pigisat nalillit naleerunnerini taarsigassarsiat taarserneqareersimassapput.

EXPORT
Atuaruk
PROJEKTER
Atuaruk
INNOVATION
Atuaruk
HOLDING
Atuaruk
GREENLAND VENTURE · A/S Boks 1068 · 3900 Nuuk · Grønland · Tlf: +299 342880 · Email: Info@venture.gl · GER: 17 54 83 87
;